الأخبار
أخرالأخبار

مشوار وقصة ماما عبير والنمر الأسود محمد أحمد

الصفحة الرئيسية

 



مشوار وقصة ماما عبير والنمر الأسود محمد أحمد

 محمد احمد الطفل الثانى اتولد طبيعي جداً بس كنت تعبانه جداً في الحمل والولاده ، دخل حضانه بعد ولادته ب3اسابيع التهاب رئوي  .

 فكان طفل ضعيف جداً و في عمر التلت شهور بدأت الحكايه تشنجات بطريقه غريبه ودكاتره وعلاج وكلام يحبط إنه مش هيتكلم إنه مش هيمشي إنه مش هيعيش أصلا !

مناعته كمان ضعيفه وبدأنا الرحلة و فى عمر السنتين كملت الحكاية محمد اتكلم كلمتين ورجع بيصوت  ويصرخ من جديد واختبارات وتحاليل محمد مصاب بطيف التوحد .

وهنا غيرت طريقي تخاطب وجلسات كتير وبدأنا مشواره الرياضى وعمره ٨ سنوات  يمكن اتاخرنا بس بسبب ظروفه الصحية وكان يوم عن يوم سبب في تحسن حالته من عياط وصريخ لضحكه حلوه.

من هايبره من غير أي هدف لمسابقات وبطولات والحمد  من أول بطولة دخلها حقق 3 ميداليات وقررنا نجتهد وشاركنا في عده بطولات العاب قوى .

وشويه أكتشفت حبه للسباحة وبدأنا لحد ما قدر يكون بطل سباحة مستمرين في العاب القوى وأطلق عليه النمر الاسود .

وشارك في العديد من حفلات ذوي الإعاقة كورال مره واستعراض واخرها قادرون بختلاف ومازلنا متمسكين بالأمل إن بكره لينا ويكون بطل عالمي باذن الله ويكمل تعليمه واعلمه حرفه  يعتمد علي نفسه فيها ويكمل شفاؤه يارب ونبطل أدويه وتشنجات يارب .

محمد فى بدايته مكنش عنده فكره إنه يضحك ولا إنه يتبسط وكان بيستخبي تحت التربيزات وكانه عايز في عالم تاني والحمد لله اكتر حاجه بتسعده وفي نفس الوقت تزعله هو إنه يحقق  مراكز وبطولات يفرح ولو محققش يزعل الرياضه اسلوب حياه .

بالنسبه للدراسة هو فى مدرسة تربيه فكرية خاصه وهو من المتفوقين فيها وحابب  مدرسته طبعا كل الشكر والتقدير لكل المدرسات اللى اشتغلوا مع محمد في مدرسته .

واكتر شكر لاول مدرسة تخاطب اشتغل ونطق اسمها وكان اسمها أسماء وأول ما نطق قالها( أماء ) وطبعا كل الكباتن بتوعه بيحبو وبيشوفوه بطل المستقبل باذن الله .

وشكر طبعا لوالدتي كانت حافز كبير بالنسبه له وليا ووقفت معايا كتير.

كل الأمنيات الطيبة للنمر الأسود ووالدته المتميزة المثالية الصابرة المجتهدة على هذا المشوار المثمر الحافل بالإنجازات .

google-playkhamsatmostaqltradent